《繁忙都市中的綠洲》
今日小編專程到諾士佛台搵食，一響美麗華出去，已經比這間餐廳既易拉架吸引～$68 韓式set lunch～好，一試便知龍與鳳～
一上去～要經過一條白色佈滿擺設的通道，很魔登～再入，終於有侍應招呼～咦....發覺一枱客都冇....唔通係伏黎？不過唔緊要，餐廳環境實在太闊落，冷氣足次餘又夠晒靜，上黎hea下吹下水都好～
小編實在太鍾意食韓國菜～實在有選擇困難症～樣樣都想食之下我地兩個人點了三份lunch😂😂
款款$68，有湯、前菜、飲品（免加一😚😚）
八爪魚石頭飯，八爪魚真係好爽口，又夠粗～石頭飯好夠熱有飯焦得黎又唔會好黏碗～有菠菜、大豆芽、翠玉瓜、冬菇、紅蘿蔔絲，同韓式辣醬撈成後簡直無得輸～
泡菜炒飯，泡菜同炒飯皆略咸，有肉碎增加口感，圍邊的蛋漿上桌時8成熟，但經小編跟友人兩名港女相機食先後已經變到好鬼老（預期有芝士點知係冇㗎😩😩）
韓式伴冷麵，冷麵跟韓國吃到的一樣，好清涼開胃，辣味初初唔覺，但after taste時就出晒黎了~
小編點了vinegar juice，初初飲第一啖好酸（註：小編本身好食得酸），之後飲落就覺得好甜，都幾得意，值得一試👍🏻
店員有禮貼心，見小編跟友人倆狂影都有主動問要唔要幫手，讚💁🏻
*********************************
暴風吸入 (尖沙咀)
尖沙咀諾士佛臺1號8樓
Search